Cyffuriau gwrth-iselder

Mae’r adran hon yn egluro beth yw cyffuriau gwrth-iselder, sut maen nhw’n gweithio, sgil-effeithiau posibl, a gwybodaeth am ddiddyfnu.

Read this page in English (Saesneg)

Sut gall cyffuriau gwrth-iselder fy helpu?

Ar y dudalen hon:

Os ydych yn teimlo iselder

Os ydych yn teimlo iselder, gallwch wynebu’r canlynol:

teimlo’n isel iawn llawer o’r amser
diffyg mwynhad bellach yn y pethau yr ydych yn eu mwynhau fel arfer
ei chael yn anodd siarad â phobl am sut yr ydych yn teimlo
ei chael yn anodd gofalu amdanoch eich hun a chyflawni tasgau o ddydd i ddydd
hunan-niweidio neu gael teimladau hunanladdol, yn enwedig os oes gennych iselder difrifol

Gall cymryd cyffuriau gwrth-iselder helpu i godi eich hwyliau. Gall hyn eich helpu i deimlo’n fwy abl i wneud pethau nad ydynt yn teimlo’n bosibl tra’ch bod yn isel eich ysbryd. Gall hyn gynnwys defnyddio mathau eraill o gymorth ar gyfer eich iechyd meddwl. Gweler ein tudalen ar driniaethau ar gyfer iselder i ddod o hyd i opsiynau eraill a allai fod o gymorth.

Os ydych chi’n teimlo eich bod yn methu â chadw eich hun yn ddiogel, mae’n argyfwng iechyd meddwl.

Gofynnwch am gyngor brys

Mae’r Sefydliad Cenedlaethol dros Ragoriaeth mewn Iechyd a Gofal (NICE) yn cynhyrchu canllawiau ar yr arferion gorau mewn gofal iechyd. Mae hyn yn cynnwys canllawiau ar gyfer rhoi cyffuriau gwrth-iselder ar bresgripsiwn i bobl â lefelau gwahanol o iselder. Mae’r canllawiau hyn yn awgrymu’r canlynol:

Os cewch ddiagnosis o iselder difrifol, mae eich meddyg yn fwy tebygol o gynnig cyffur gwrth-iselder i chi. Mae hyn oherwydd bod cyffuriau gwrth-iselder yn fwy tebygol o fod yn effeithiol ar gyfer iselder difrifol. Efallai y cynigir cyffuriau gwrth-iselder i chi ochr yn ochr â thriniaethau eraill.
Os cewch ddiagnosis o iselder ysgafn i gymedrol, mae eich meddyg yn debygol o gynnig triniaethau eraill cyn cyffuriau gwrth-iselder. Er enghraifft, gallai hyn fod yn therapi siarad megis therapi gwybyddol ymddygiadol (CBT). Mae canllawiau NICE yn argymell nad cyffuriau gwrth-iselder yw’r driniaeth gyntaf na’r brif driniaeth ar gyfer iselder ysgafn i gymedrol. Mae hyn oherwydd y gall sgil-effeithiau annymunol y feddyginiaeth fod yn fwy na’r buddion.
Efallai y bydd rhai meddygon yn cynnig cyffuriau gwrth-iselder i chi ochr yn ochr â thriniaethau eraill ar gyfer iselder ysgafn i gymedrol. Neu efallai y byddant yn eu cynnig yn lle triniaethau eraill. Dylai eich meddyg bob amser drafod eich opsiynau gyda chi, i’ch helpu i benderfynu pa driniaeth sy’n gweithio orau i chi. Ar ein tudalen ar yr hyn i feddwl amdano cyn cymryd cyffuriau gwrth-iselder, cewch wybodaeth a allai eich helpu gyda’r penderfyniad hwn.

Os ydych yn teimlo gorbryder

Os oes gennych chi ffurf o orbryder neu ffobia, gallai cyffur gwrth-iselder eich helpu i deimlo’n ddigyffro ac yn fwy abl i ymdrin â phroblemau eraill. Gallai hefyd eich helpu i deimlo’n fwy abl i elwa o d riniaethau eraill ar gyfer gorbryder, megis therapi gwybyddol ymddygiadol (CBT).

Unwaith i mi ddechrau cymryd [cyffur gwrth-iselder], dechreuais deimlo’n well. Yna llwyddais i ddechrau gweld seicolegydd a gweithio ar y materion sydd wedi’u gwreiddio’n ddyfnach.

Pa mor fuan y byddant yn dechrau gweithio?

Mae profiad pawb o feddyginiaeth yn wahanol. Mae’r rhan fwyaf o gyffuriau gwrth-iselder yn cymryd wythnos i bythefnos i ddechrau gweithio. Serch hynny, efallai y byddwch yn teimlo rhai buddion yn gynt na hyn, fel cwsg gwell.

Siaradwch â’ch meddyg os nad ydych yn teimlo unrhyw fudd ar ôl cymryd cyffur gwrth-iselder yn rheolaidd am bythefnos neu bedair wythnos, neu os ydych yn teimlo’n waeth. Mae’n bosibl y bydd cyffur gwrth-iselder gwahanol yn fwy addas i chi.

Roeddwn i mewn tipyn o dwll cyn i mi ddechrau fy nghyffuriau gwrth-iselder. Ar ôl brwydro dryw’r pythefnos cyntaf, dechreuais weld y goleuni ar ddiwedd yr hyn a oedd wedi bod yn dwnnel hir iawn.

Sut brofiad yw cymryd cyffuriau gwrth-iselder?

Mae profiad pawb o gyffuriau gwrth-iselder yn wahanol. Gwrandewch ar Chris, Georgia, Mark, Cathy, Rose, Jess a Liz yn adrodd eu storïau yn y fideos hyn.

Oedd y dudalen hon yn ddefnyddiol? Yes No Tell us more Tell us more

Tell us more

Why did you visit this page? *

For my own mental health
For someone else’s mental health
Academic/educational/professional reason
Other reason

What do you want to tell us about?

Praise – things we do well
Criticism – things we could do better
Errors, mistakes or broken links

Please give us your feedback:

Note:

Please don’t include personal details like your name or email address. If you do, data protection law means we’ll have to delete your comments.
Unfortunately we can’t reply to this. If you want a response from us, see our Contact us page.
If you are in crisis right now and want to talk to someone urgently then you could call Samaritans on 116 123 (freephone). Our pages on crisis services have more options.