Anhwylder deubegynol

Yn egluro beth yw anhwylder deubegynol, yn ogystal â gwahanol ddiagnosisau a thriniaethau. Yn cynnig gwybodaeth ar sut y gallwch chi gefnogi rhywun ag anhwylder deubegynol ac awgrymiadau ar gyfer hunanreolaeth.

Read this page in English (Saesneg)

Sut mae rhoi diagnosis o anhwylder deubegynol?

Mae'r dudalen hon yn cwmpasu'r canlynol:

Beth fydd fy meddyg yn ei ofyn i mi?

Er mwyn gwneud diagnosis o anhwylder deubegynol, bydd eich meddyg yn gofyn i chi am y canlynol:

Faint o symptomau rydych chi'n eu dioddef
Pa fathau o episodau hwyliau rydych chi'n eu dioddef
Pa mor hir y mae eich episodau hwyliau yn para
Faint o episodau hwyliau rydych chi wedi'u cael
Pa mor aml mae eich episodau hwyliau yn digwydd
Sut mae eich symptomau'n effeithio ar eich bywyd
Hanes eich teulu

Gall hefyd:

Ofyn i chi gadw dyddiadur o'ch hwyliau i'ch helpu chi i adnabod patrymau a sbardunau.
Gwirio eich iechyd corfforol. Er enghraifft, gall rhai cyflyrau fel problemau thyroid achosi symptomau tebyg i fania.

Dim ond gweithiwr iechyd meddwl proffesiynol fel seiciatrydd all roi diagnosis anhwylder deubegynol i chi - nid eich meddyg teulu.

Fodd bynnag, os ydych chi'n dioddef hwyliau a symptomau anhwylder deubegynol, gall eu trafod gyda'ch meddyg teulu fod yn gam cyntaf da. Gall eich atgyfeirio at seiciatrydd, a fydd yn gallu eich asesu.

Am ragor o wybodaeth, gweler ein tudalennau ceisio cymorth ar gyfer problem iechyd meddwl.

Ar ôl cael diagnosis cywir, roeddwn i'n gwybod yr achos. Deallais fy mod yn rhywun â salwch. Nid methiant oeddwn i, nid yn unigolyn drwg.

Pa mor hir y bydd diagnosis yn ei gymryd?

Gan fod anhwylder deubegynol yn golygu newidiadau yn eich hwyliau dros amser, efallai y bydd eich meddyg am eich arsylwi am ychydig cyn gwneud diagnosis.

Bydd eich meddyg am fod yn ofalus ei fod yn rhoi'r diagnosis cywir i chi. Mae gan anhwylder deubegynol rai symptomau sy’n gyffredin â phroblemau iechyd meddwl eraill, megis:

Oherwydd hyn, gall gymryd amser hir i gael diagnosis cywir – weithiau gall gymryd blynyddoedd.

Y drafferth gydag anhwylder deubegynol yw y gall fynd heb gael diagnosis weithiau. Nid ydych chi'n ymweld â'r meddyg i ddweud wrtho eich bod chi'n teimlo'n eithriadol o hapus. Bod gennych chi gymaint o egni ac y gallwch chi goncro'r byd (yn llythrennol).

Os ydych yn gyrru, mae angen ichi ddweud wrth yr Asiantaeth Trwyddedu Gyrwyr a Cherbydau (DVLA) eich bod wedi cael diagnosis o anhwylder deubegynol.

I gael rhagor o wybodaeth am eich hawl i yrru, gan gynnwys pryd a sut i gysylltu â’r DVLA, gweler ein tudalennau cyfreithiol am addasrwydd i yrru.

Heriau wrth gael diagnosis

Gall symptomau anhwylder deubegynol orgyffwrdd â phroblemau iechyd meddwl eraill. Gall gwahanol bobl brofi neu arddangos eu symptomau mewn gwahanol ffyrdd. Ac nid yw gweithwyr proffesiynol bob amser yn ei gael yn iawn.

Oherwydd hyn, mae’n bosibl:

Na byddwch yn cael diagnosis o anhwylder deubegynol pan fyddwch yn teimlo y dylech gael un.
Byddwch yn cael diagnosis o broblem iechyd meddwl wahanol, nad ydych yn cytuno ag ef.
Byddwch yn cael diagnosis o anhwylder deubegynol sydd yn eich barn chi yn anghywir.

Hyd yn oed os credwch fod eich diagnosis yn gywir, efallai y byddwch yn dal i deimlo nad yw'n cyd-fynd yn llwyr â'ch profiadau.

Os ydych chi'n anhapus neu'n bryderus am eich diagnosis, mae'n bwysig trafod hyn gyda'ch meddyg.

Gallwch wneud yn siŵr bod eich llais yn cael ei glywed, ceisio ail farn, a chymryd camau os nad ydych chi'n hapus â'ch meddyg. Am ragor o wybodaeth, gweler ein tudalennau:

Cefais ddiagnosis o Anhwylder Personoliaeth Ffiniol yn gyntaf oherwydd bod y symptomau’n gorgyffwrdd â rhai anhwylder deubegynol 2 ac Anhwylder Personoliaeth Ffiniol.

Oedd y dudalen hon yn ddefnyddiol? Yes No Tell us more Tell us more

Tell us more

Why did you visit this page? *

For my own mental health
For someone else’s mental health
Academic/educational/professional reason
Other reason

What do you want to tell us about?

Praise – things we do well
Criticism – things we could do better
Errors, mistakes or broken links

Please give us your feedback:

Note:

Please don’t include personal details like your name or email address. If you do, data protection law means we’ll have to delete your comments.
Unfortunately we can’t reply to this. If you want a response from us, see our Contact us page.
If you are in crisis right now and want to talk to someone urgently then you could call Samaritans on 116 123 (freephone). Our pages on crisis services have more options.