Hypomania a mania

Mae’r dudalen hon yn egluro hypomania a mania, gan gynnwys achosion posibl a sut y gallwch gael mynediad at driniaeth a chymorth. Mae'n cynnwys awgrymiadau ar gyfer helpu eich hun, a chanllawiau i ffrindiau a theulu.

Read this page in English (Saesneg)

Beth sy'n achosi hypomania a mania?

Nid oes un rheswm unigol neu glir pam y gallai rhywun fynd yn hypomanig neu'n manig. Mae'n ymddangos ei fod yn gyfuniad o ffactorau tymor hir a thymor byr, sy'n wahanol o berson i berson.

Dyma rai achosion posibl o hypomania neu mania:

Lefelau uchel o straen
Newidiadau mewn patrymau cysgu neu ddiffyg cwsg
Defnyddio alcohol neu gyffuriau hamdden
Newidiadau tymhorol – er enghraifft, mae rhai pobl yn fwy tebygol o brofi hypomania a mania yn ystod y gwanwyn
Newid sylweddol yn eich bywyd, fel symud tŷ neu fynd trwy ysgariad
Genedigaeth – gweler ein tudalen ar seicosis ôl-enedigol am ragor o wybodaeth
Colled neu brofedigaeth
Trawma a cham-drin
Amodau bywyd anodd – er enghraifft, problemau gydag arian, tai neu unigrwydd
Fel sgîl-effaith meddyginiaeth
Symptom o salwch corfforol neu gyflwr niwrolegol
Hanes teuluol – os oes gennych aelod o'r teulu sy'n profi hwyliau deubegynol, rydych yn fwy tebygol o brofi mania neu hypomania

Mae rhai o'r rhain yn ffactorau tymor hir a allai eich gwneud yn fwy tebygol o brofi hypomania neu mania yn gyffredinol. Tra bod eraill yn ffactorau mwy uniongyrchol a allai sbarduno episod.

Bydd episod hypomanig arferol i mi yn dechrau gyda noson heb lawer o gwsg, efallai dwy i dair awr, yna'r noson nesaf mae'n debyg na fyddaf yn cysgu o gwbl.

Fel sgîl-effaith meddyginiaeth

Gall rhai meddyginiaethau achosi hypomania neu mania fel sgîl-effaith. Gallai hyn fod naill ai pan fyddwch chi'n eu cymryd neu fel symptom diddyfnu pan fyddwch chi'n stopio.

Mae hyn yn cynnwys meddyginiaethau ar gyfer cyflyrau corfforol ac iechyd meddwl, gan gynnwys rhai gyffuriau gwrth-iselder.

Os ydych chi'n poeni am effeithiau unrhyw feddyginiaeth rydych chi'n ei chymryd neu wedi rhoi'r gorau i'w chymryd, trafodwch hyn gyda'ch meddyg.

Roeddwn i’n byw gyda dysmorffia am 10 mlynedd ac yn y pen draw cefais fy nhrin â gwrthiselyddion ac roeddwn i’n bryfoclyd, anwadal, anllad, dadleuol ac ymosodol. Pan wnes i roi'r gorau i'r driniaeth, nid oeddwn i’n profi hyn rhagor.

Symptom o salwch corfforol neu gyflwr niwrolegol

Gall rhai afiechydon corfforol a chyflyrau niwrolegol achosi hypomania a mania. Mae hyn yn cynnwys lupus, enseffalitis, dementia, anaf i'r ymennydd, tiwmorau'r ymennydd a strôc.

Er mwyn sicrhau eich bod yn cael y driniaeth gywir, dylai eich meddyg bob amser wirio a allai fod achos corfforol i'ch hypomania neu mania cyn i chi gael diagnosis.

Oedd y dudalen hon yn ddefnyddiol? Yes No Tell us more Tell us more

Tell us more

Why did you visit this page? *

For my own mental health
For someone else’s mental health
Academic/educational/professional reason
Other reason

What do you want to tell us about?

Praise – things we do well
Criticism – things we could do better
Errors, mistakes or broken links

Please give us your feedback:

Note:

Please don’t include personal details like your name or email address. If you do, data protection law means we’ll have to delete your comments.
Unfortunately we can’t reply to this. If you want a response from us, see our Contact us page.
If you are in crisis right now and want to talk to someone urgently then you could call Samaritans on 116 123 (freephone). Our pages on crisis services have more options.