Problemau y gallwn eu hwynebu yn CAMHS
Canllaw i bobl ifanc 11-18 oed ar beth yw triniaeth deg yn CAMHS. Mae hefyd yn esbonio beth i’w wneud os nad yw pethau’n mynd fel y dylent.
Mae’r dudalen hon yn ymdrin â:
Sut ddylai CAMHS fy nhrin i?
Efallai y bydd eich cymorth iechyd meddwl gan Wasanaethau Iechyd Meddwl Plant a’r Glasoed (CAMHS, neu SCAMHS yng Nghymru) yn dibynnu ar ble rydych chi’n byw, a beth rydych chi’n ei deimlo ac yn ei brofi.
Ond beth bynnag rydych chi’n cael cymorth ar ei gyfer, dylech chi bob amser ddisgwyl i CAMHS eich trin chi’n deg. Dylent wneud y canlynol:
- Eich trin chi â pharch
- Peidio â gwahaniaethu yn eich erbyn
- Rhoi gwybodaeth i chi am beth gallant ei gynnig a sut gallant eich cefnogi
- Eich galluogi i wneud dewisiadau a bod yn rhan o benderfyniadau am eich triniaeth a’ch cefnogaeth
- Gwrando ar eich barn, yn enwedig y staff sy’n gweithio yn CAMHS
- Gadael i chi ofyn cwestiynau am eich triniaeth a’ch cefnogaeth
- Dweud wrthych chi sut gallwch chi gwyno am eich triniaeth a’ch cefnogaeth
- Eich helpu i gynllunio eich gofal, a allai gael ei alw’n gynllun gofal, mewn ffordd sy’n gweithio orau i chi
- Cadw eich gwybodaeth bersonol yn gyfrinachol
I gael rhagor o wybodaeth am iechyd meddwl a’ch hawliau, ewch i’n tudalen ar ddeall eich hawliau.
Os ydych chi’n cael cymorth gan CAMHS, dylai eich cymorth ddilyn y Dull Rhaglen Ofal(CPA) fel arfer.
Mae hyn yn golygu y dylai fod gennych chi’r canlynol:
- Cydlynydd gofal
- Cynllun gofal
Gyda’r CPA, ni ddylai eich cymorth ddod i ben oni bai fod eich tîm gofal yn credu nad oes ei angen arnoch mwyach. Dylent bob amser geisio cytuno ar hyn gyda chi.
Efallai na fyddwch chi’n gwybod a yw eich cefnogaeth yn dilyn y CPA, neu efallai na fydd gennych gopi ysgrifenedig o’ch cynllun gofal. Os felly, siaradwch â rhywun yn eich tîm CAMHS.
Os ydych chi’n cael cymorth gan SCAMHS Cymru, dylech chi gael:
- Cydlynydd cynllun gofal a thriniaeth
- Cynllun Gofal a Thriniaeth (CTP).
Ni ddylai eich CTP ddod i ben oni bai fod eich tîm gofal yn credu nad oes ei angen arnoch mwyach. Dylent bob amser geisio cytuno ar hyn gyda chi.
Os nad ydych chi’n gwybod unrhyw beth am eich CTP, neu os nad ydych chi wedi cael copi ysgrifenedig ohono, dylech holi rhywun yn eich tîm CAMHS.
Mae gennych hawl i gael gwybod yn uniongyrchol am gefnogaeth a beth dylech chi ei ddisgwyl. Hynny ydy, ni ddylech fod ofn gofyn cwestiynau.
Pa broblemau allwn i eu hwynebu?
Dydy pawb ddim yn cael problem gyda’u triniaeth a’u cefnogaeth gan CAMHS. Ond efallai na fydd rhai pethau’n mynd fel rydych chi’n teimlo y dylen nhw.
Efallai y byddwch chi’n cael problemau fel:
- Dydych chi ddim yn cyd-dynnu’n dda â’ch therapydd neu bobl eraill yn eich tîm gofal
- Dydych chi ddim yn cael digon o gymorth
- Dydych chi ddim yn cytuno â’r driniaeth a’r cymorth rydych chi’n eu cael
- Dydych chi ddim yn hoffi’r math o driniaeth a’r cymorth rydych chi’n eu cael
- Rydych chi’n cael trafferth gyda sut mae eich apwyntiadau’n gweithio
- Dydy eich anghenion diwylliannol, crefyddol neu benodol ddim yn cael eu diwallu
- Dydych chi ddim yn teimlo bod eich llais yn cael ei glywed
- Rydych chi wedi profi gwahaniaethu
- Mae CAMHS wedi rhoi’r gorau i’ch cefnogi chi’n rhy fuan
- Dydych chi ddim yn gwybod beth sy’n digwydd pan fyddwch chi’n gadael CAMHS
Ni waeth beth yw’r broblem, dydych chi ddim ar eich pen eich hun ac rydych chi’n haeddu cymorth.
Doeddwn i ddim yn gwybod ar y pryd y gallwn i newid fy therapydd. Doeddwn i ddim yn gwybod beth i’w wneud, gan fod fy rhieni’n hoffi fy therapydd.
Beth alla i ei wneud os nad ydw i’n hapus gyda rhywbeth?
Os nad ydych chi’n hapus â’ch profiad yn CAMHS, dylech chi yn gyntaf geisio siarad â’ch tîm i ddweud wrthynt beth sydd ei angen arnoch. Er enghraifft, gofyn am therapydd gwahanol, neu ddweud wrthyn nhw nad ydych chi’n meddwl bod eich triniaeth bresennol yn gweithio.
Os nad ydych chi’n teimlo’n gyfforddus yn siarad â staff CAMHS, gallech chi ofyn i oedolyn dibynadwy fel rhiant, gofalwr neu athro eich helpu. Gallech chi hefyd ofyn am gymorth gan eiriolwr.
I helpu gyda’ch problem, efallai y bydd yn rhaid i chi ofyn am bethau fel:
- Cefnogaeth sy’n diwallu eich anghenion diwylliannol, crefyddol neu ymarferol
- Cyfieithydd ar gyfer iaith arall, os oes angen un arnoch chi neu riant neu ofalwr
- Gweithio gyda rhywun o ryw gwahanol
- Mwy o wybodaeth am rywbeth nad ydych yn ei ddeall
- Gwahanol ffyrdd o gysylltu â CAMHS, fel e-bostio yn hytrach na siarad dros y ffôn
- Newid eich math o apwyntiad, fel cyfarfod wyneb yn wyneb yn hytrach nag ar-lein
I mi roedd llawer yn dibynnu ar p’un a oeddwn i’n cyd-dynnu â’r seicolegydd. Doedden ni ddim wedi sefydlu’r un berthynas mewn sesiynau galwadau fideo.
I’ch helpu i baratoi ar gyfer y sgwrs hon, gallech chi feddwl am y canlynol:
- Y broblem rydych chi’n ei hwynebu
- Sut mae’r broblem yn effeithio arnoch chi
- Pam yr hoffech i bethau fod yn wahanol
- Sut yr hoffech i bethau newid
- Sut gall CAMHS helpu i newid pethau
Ar ôl i chi baratoi'r hyn yr hoffech ei ddweud, gallech chi siarad â'r person sy'n gyfrifol am eich gofal. Gallai hyn fod yn gydlynydd gofal, yn seiciatrydd neu’n therapydd i chi. Gallech chi wneud hyn wyneb yn wyneb, dros y ffôn, mewn llythyr neu e-bost. Os na allwch chi gysylltu â nhw, gallech chi ofyn i staff y dderbynfa drosglwyddo eich neges.
Gofynnais am beidio â chael CBT, ond cefais weithiwr achos sy’n arbenigo mewn CBT. Roeddwn i’n teimlo fy mod i’n cael fy niystyru’n fawr bryd hynny.
Beth alla i ei wneud os byddaf yn profi gwahaniaethu?
Mae’r Ddeddf Cydraddoldeb yn gyfraith sy’n eich amddiffyn rhag gwahaniaethu ac yn rhoi’r hawl i chi ei herio. Gallai triniaeth annheg mewn gwasanaethau iechyd meddwl oherwydd eich hil, eich rhyw, eich anabledd, neu oherwydd eich bod yn LGBTQIA+ fod yn enghraifft o wahaniaethu.
Os ydych chi’n meddwl eich bod wedi profi gwahaniaethu, yn gyntaf, gallech chi geisio siarad gyda rhywun yn CAMHS. Os nad ydynt yn gwrando arnoch nac yn eich cefnogi, gallech chi wneud cwyn ffurfiol. Gallai eiriolwr eich helpu gyda chwynion ffurfiol ac anffurfiol.
Os ydych chi wedi rhoi cynnig ar y pethau hyn ac nad oes dim wedi helpu, efallai yr hoffech chi siarad â chyfreithiwr. Gallant drafod eich opsiynau gyda chi a dweud wrthych a allech chi gymryd camau cyfreithiol yn erbyn CAMHS. I gael rhagor o wybodaeth am ddod o hyd i gyfreithiwr, ewch i wefan Cymdeithas y Gyfraith.
Roedd rhai o’r bobl ifanc y buom yn siarad â nhw wedi profi gwahaniaethu mewn gwahanol ffyrdd:
Roedd fy seicolegydd yn cydymdeimlo’n fawr â fy mam ac yn credu bod y ffaith mod i’n gwiar yn annheg â fy rhieni. Pe bawn i’n gwybod sut i ddelio â phroblemau yn CAMHS ar y pryd, byddwn i wedi teimlo bod gen i fwy o rym i siarad am hyn a gofyn am seicolegydd gwahanol.
Pan wnes i adael yr ysgol, gwaethygodd fy mhroblemau gyda CAMHS. Ond roeddwn i’n gwybod fy ngwerth a’r hyn rydw i’n ei haeddu. Fe wnes i gwyno a chael therapydd newydd heb unrhyw wrthdaro o ran diwylliant. Roedd y gweithwyr proffesiynol yn sylweddoli bod angen iddyn nhw wrando arna i.
Gall fod yn anodd iawn mynd drwy brofiad o wahaniaethu. Yn ogystal â’i riportio, ceisiwch rannu eich teimladau â phobl rydych chi’n ymddiried ynddyn nhw a dod o hyd i ffyrdd o ofalu amdanoch chi eich hun. I gael awgrymiadau hunanofal, edrychwch ar ein tudalennau gofalu am eich llesiant a deall eich teimladau.
Pwy arall all fy helpu gyda phroblemau yn CAMHS?
Efallai y byddwch chi’n teimlo’n ypset iawn os byddwch chi’n cael problemau yn ystod eich amser gyda CAMHS. Dydych chi ddim ar eich pen eich hun, a gall pobl eraill eich cefnogi, fel:
- Eich rhieni, gofalwyr, gwarcheidwaid, aelodau eraill o’r teulu neu bobl rydych chi’n byw gyda nhw
- Oedolion y gellir ymddiried ynddyn nhw, fel athrawon neu weithwyr ieuenctid
- Eich ffrindiau neu bartneriaid
- Eich meddyg, neu staff CAMHS eraill nad ydynt yn ymwneud â’ch problem
Efallai y byddan nhw’n gallu eich cefnogi chi drwy wneud y canlynol:
- Trafod y broblem gyda chi
- Eich helpu i ganfod beth i’w ddweud
- Mynd i apwyntiadau gyda chi
- Ysgrifennu llythyrau i chi
Gallwch ddod o hyd i fannau eraill a all eich helpu yn ein rhestr o gysylltiadau defnyddiol.
Sut i gwyno wrth CAMHS
Os nad yw siarad â’ch tîm CAMHS am eich problem yn helpu, gallwch gwyno.
Gallwch ofyn i rywun yn y tîm gweinyddol sut mae gwneud hyn, fel derbynnydd. Efallai y byddan nhw’n gofyn i chi ysgrifennu llythyr, neu lenwi ffurflen.
Cyn i chi wneud hyn, ceisiwch feddwl am y broblem rydych chi’n ei chael ac ysgrifennwch eich meddyliau. Gallech ofyn i chi’ch hun:
- Beth sydd wedi gweithio’n dda i mi yn CAMHS hyd yma?
- Beth yw’r broblem rwy’n ei hwynebu?
- Ym mha ffyrdd y mae’r broblem hon yn effeithio arnaf i?
- Pam hoffwn i bethau fod yn wahanol?
- Pa newidiadau fyddwn i’n hoffi eu gweld?
- Sut gall CAMHS helpu i newid pethau?
Efallai y byddwch chi’n teimlo’n anghyfforddus am wneud cwyn, neu’n poeni beth fydd yn digwydd. Ni fydd gwneud cwyn yn eich atal rhag cael help – dylai wneud eich triniaeth a’ch cefnogaeth yn well i chi.
Ond gall cwyno deimlo fel proses anodd i fynd drwyddi. Yn enwedig os nad ydych chi’n teimlo’n dda, neu os ydych chi’n ymdopi â theimladau anodd o’r ffordd mae CAMHS wedi eich trin chi. Efallai y byddwch chi am ofyn i oedolyn dibynadwy neu eiriolwr eich helpu a’ch cefnogi drwy’r broses.
Sut i ysgrifennu cwyn
Os nad ydych chi’n teimlo’n iawn am rannu eich problem wyneb yn wyneb, gallwch ysgrifennu e-bost neu lythyr.
Os ydych chi mewn cysylltiad â'r person yn eich gofal, gallwch ei anfon atynt. Gallwch hefyd ei anfon at staff gweinyddol, fel derbynnydd, neu ofyn i oedolyn dibynadwy wneud hyn ar eich rhan.
Ceisiwch ddefnyddio ein hawgrymiadau ar gyfer ysgrifennu cwynion:
- Ceisiwch fod mor benodol â phosibl gyda’r wybodaeth. Ceisiwch gynnwys dyddiadau pwysig ac enwau pobl rydych chi wedi ceisio siarad â nhw am eich problem.
- Os yw ysgrifennu hynny yn anodd i chi, gofynnwch i ffrind neu oedolyn dibynadwy ei ysgrifennu neu i ddarllen drosto.
- Cofiwch gynnwys copïau o unrhyw lythyrau neu negeseuon e-bost perthnasol sydd gennych am eich cwyn neu broblem.
- Gall ysgrifennu am yr hyn sydd wedi digwydd wneud i chi deimlo’n ypset - mae’n bwysig bod yn garedig gyda chi eich hun a chymryd seibiant os oes angen.
Nid ydych yn faich. Mae’n cymryd llawer i ofyn ac i ddal ati i ofyn. Nid yw’n broses syml ac mae angen i bopeth gael ei ddatgymalu.
Child and Adolescent Mental Health Services (CAMHS)
These are services that support young people with their mental health.
You might see them called different names sometimes, but they offer the same type of services for young people:
- In Wales, they're called Specialist Child and Adolescent Mental Health Services (SCAMHS)
- In England or Wales, you might also hear them called Children and Young People’s Mental Health Services (CYPMHS)
Find out more in our CAMHS information hub.
Discrimination
Discrimination is when someone treats you differently or unfairly because of:
- Your age
- Your disability
- Your gender
- Your gender identity
- Your sexuality
- Your relationship status
- Your religion or beliefs
- Your race, skin colour or where you were born
- Being pregnant or having a child
In the UK, a law called the Equality Act protects you from discrimination.
The Equality Act says you have a disability if you have a physical or mental health problem that has a substantial, negative, and long-term effect on your day-to-day life.
Visit our full treatment and support glossaryCare plan
The name for a plan that explains your mental health problem, what treatment and support you need, and who will provide that support. Care plans might also cover what should happen if you're in a mental health crisis.
There are different types of plans, such as a Care Programme Approach (CPA) or Care and Treatment Plan (CTP). Whatever type of plan you have, you should always be given a copy of it.
Visit our full treatment and support glossaryConfidentiality
Confidentiality is about keeping your information private.
It means that when you talk to professionals they shouldn’t tell anyone else what you’ve said.
They will only share what you tell them in certain situations. For example, if you ask them to or if they’re worried that you or someone else could be in danger.
See our page on confidentiality for more information.
Visit our full treatment and support glossaryCare Programme Approach (CPA)
This is a way of providing NHS support for people in England who have a mental health problem. It means you should have a care co-ordinator and a care plan.
Visit our full treatment and support glossaryCare co-ordinator
This is your main point of contact if you’re having ongoing treatment and support for your mental health. They should keep in close contact with you and answer any questions you may have.
Visit our full treatment and support glossaryCare team
These are the people look after you when you're getting treatment and support for your mental health problem. Your care team might include nurses, doctors and therapists.
They may look after you in hospital, support you through Child and Adolescent Mental Health Services (CAMHS), or look after you at home.
Visit our full treatment and support glossaryCare and Treatment Plan (CTP)
This a support package provided by the NHS for people in Wales who have a mental health problem.
Visit our full treatment and support glossaryTherapist
This is a trained professional who runs or supervises your therapy. Therapists help you explore how you’re thinking, feeling and behaving, and what can help you in the future.
There are different types of training and education for therapists. This means they all have different titles, like psychologist, therapist, counsellor or psychiatrist.
Visit our full treatment and support glossaryPsychiatrist
This is a medical doctor that specialises in mental health (psychiatry). Psychiatrists can:
- carry out assessments
- decide with you which treatments to try, including medication
- be your therapist for a treatment, like group therapy.
Equality Act 2010
This is the law that protects you from discrimination and gives you the right to challenge it.
Visit our full treatment and support glossaryAdvocate
An advocate is someone who can listen to you and help make sure your voice is heard in decisions about you.
In some situations, you will have a right to have an advocate. This is called statutory advocacy.
Even if you don’t have a right to an advocate, there are other types of advocacy that can support you to get your voice heard.
See our page on advocacy for more information.
Visit our full treatment and support glossaryCouncil
Or local council. This is the group of people responsible for certain services in your area, like social care and education.
Visit our full treatment and support glossaryPersonal information
This is any information that can be used to identify you. For example, your name, address or even your IP address.
Visit our full treatment and support glossaryCafodd yr wybodaeth hon ei chyhoeddi ym mis Rhagfyr 2022. Byddwn yn ei diwygio yn 2025.
Mae cyfeiriadau ar gael ar gais. Os hoffech chi atgynhyrchu unrhyw ran o’r wybodaeth hon, gweler ein tudalen ar ganiatadau a thrwyddedau.