Anhwylder sgitsoaffeithiol

Mae’r dudalen hon yn egluro beth yw anhwylder sgitsoaffeithiol, gan gynnwys ei symptomau a'i achosion. Mae'n rhoi cyngor ar sut y gallwch helpu eich hun a pha fathau o driniaeth a chymorth sydd ar gael, yn ogystal â chanllawiau i ffrindiau a theulu.

Read this page in English (Saesneg)

Beth yw anhwylder sgitsoaffeithiol?

Mae anhwylder sgitsoaffeithiol yn broblem iechyd meddwl lle rydych chi'n profi seicosis yn ogystal â symptomau hwyliau.

Mae dwy ran i'r gair sgitsoaffeithiol:

Mae 'sgitso-' yn cyfeirio at symptomau seicosis
Mae '–affeithiol' yn cyfeirio at symptomau hwyliau

Mae rhai pobl wedi awgrymu bod anhwylder sgitsoaffeithiol yng nghanol sbectrwm, gyda sgitsoffrenia ar un pen ac anhwylder deubegynol ar y llall. Mae hyn oherwydd bod y diagnosis hwn yn rhannu llawer o symptomau tebyg. Ond mae anhwylder sgitsoaffeithiol yn cael ei gydnabod fel diagnosis ar wahân.

Efallai y bydd gennych adegau pan fyddwch yn cael trafferth gofalu amdanoch eich hun. Neu pan fydd eich meddygon yn teimlo nad oes gennych ddealltwriaeth o'ch ymddygiad a sut rydych chi'n teimlo.

Gall symptomau ddechrau ar unrhyw oedran, ond fel arfer byddant yn dechrau pan fyddwch yn oedolyn ifanc. Dim ond unwaith yn eu bywyd y mae rhai pobl yn profi symptomau sgitsoaffeithiol.

Anhwylder sgitsoaffeithiol a fi

Dechreuodd pethau gael ystyron cyfrinachol ac roeddwn i'n credu fy mod yn gallu gweld i'r dyfodol.

Darllenwch stori Charlotte

Anhwylder sgitsoaffeithiol a stigma

Efallai na fydd rhai pobl yn deall nac wedi clywed am anhwylder sgitsoaffeithiol. Efallai y byddant yn cael camsyniadau amdanoch chi. Neu ddelwedd negyddol neu anghywir o anhwylder sgitsoaffeithiol.

Gall hyn deimlo'n anodd iawn. Yn enwedig os yw'r person sy'n credu fel hyn yn ffrind, cydweithiwr, aelod o'r teulu neu weithiwr gofal iechyd proffesiynol.

Mae anhwylder sgitsoaffeithiol yn llai adnabyddus na rhai problemau iechyd meddwl eraill. Gall hyn ei gwneud hi'n anoddach dod o hyd i wybodaeth neu gefnogaeth. Neu i gysylltu ag eraill sydd â phrofiadau tebyg. Gall hyn deimlo'n unig ac yn rhwystredig weithiau.

Efallai y byddwch am feddwl am yr opsiynau canlynol:

Dangos y wybodaeth hon i bobl. Efallai y bydd yn eu helpu i ddeall beth yw ystyr eich diagnosis.
Cymryd mwy o ran yn eich triniaeth. Gallwch chi sicrhau bod eich llais yn cael ei glywed. Gallwch hefyd gymryd camau os nad ydych yn fodlon â'ch gofal. I gael cyngor, gweler ein tudalennau am ofyn am help ar gyfer problem iechyd meddwl.
Gwybod eich hawliau. Gall y gyfraith eich helpu mewn rhai sefyllfaoedd. Am ragor o wybodaeth, gweler ein tudalennau am hawliau cyfreithiol.
Gweithredu gyda Mind. I gael manylion am ffyrdd y gallwch gymryd rhan mewn helpu i herio stigma, gweler ein tudalen ar ymgyrchu.

Cofiwch: dydych chi ddim ar eich pen eich hun. Nid oes rhaid i chi ddioddef pobl sy'n eich trin yn wael. Am ragor o wybodaeth, gweler ein tudalen am stigma a chamsyniadau am iechyd meddwl.

Oedd y dudalen hon yn ddefnyddiol? Yes No Tell us more Tell us more

Tell us more

Why did you visit this page? *

For my own mental health
For someone else’s mental health
Academic/educational/professional reason
Other reason

What do you want to tell us about?

Praise – things we do well
Criticism – things we could do better
Errors, mistakes or broken links

Please give us your feedback:

Note:

Please don’t include personal details like your name or email address. If you do, data protection law means we’ll have to delete your comments.
Unfortunately we can’t reply to this. If you want a response from us, see our Contact us page.
If you are in crisis right now and want to talk to someone urgently then you could call Samaritans on 116 123 (freephone). Our pages on crisis services have more options.