Cael cymorth

Gall siarad am broblemau ariannol fod yn anodd. Ac os ydych chi wedi cael profiad gwael yn y gorffennol, efallai y byddwch chi'n teimlo nad oes pwynt rhoi cynnig arall arni. Ond mae llawer o leoedd y gallech chi droi atyn nhw. Os bydd angen cymorth ariannol neu gymorth iechyd meddwl arnoch chi, neu'r ddau, efallai y bydd yr awgrymiadau hyn yn ddefnyddiol i chi.

Mae'r dudalen hon hefyd ar gael yn Gymraeg. This link will take you to a Welsh translation of this page.

Os ydych chi’n teimlo eich bod yn methu â chadw eich hun yn ddiogel, mae’n argyfwng iechyd meddwl.

Gofynnwch am gyngor brys

View this information as a PDF (new window)

Gwasanaethau Mind

Mae llinellau cymorth Mind yn rhoi gwybodaeth a chymorth dros y ffôn a thrwy e-bost.
Mae canghennau Mind lleol yn cynnig gwasanaethau wyneb yn wyneb ledled Cymru a Lloegr. Ymysg y gwasanaethau hyn mae therapïau siarad, cymorth gan gymheiriaid ac eiriolaeth.
Ochr yn Ochr yw ein cymuned ar-lein gefnogol i unrhyw un sydd â phroblem iechyd meddwl.

Cymorth ar gyfer eich iechyd meddwl

Siaradwch â ffrind neu aelod o'r teulu rydych chi'n ymddiried ynddo.
Siaradwch â gweithiwr cymorth neu weithiwr iechyd proffesiynol, fel eich meddyg teulu.
Ceisiwch gymorth gan gymheiriaid. Mae hyn yn golygu defnyddio profiadau personol i helpu ein gilydd.
Cysylltwch â'r Samariaid. Gall problemau ariannol wneud i chi deimlo nad oes ffordd allan ac nad oes gobaith. Os byddwch chi'n ei chael hi'n anodd gweld ffordd ymlaen, gallwch chi siarad â'r Samariaid am ddim drwy ffonio 116 123.

Dw i wedi stopio gosod ffiniau afrealistig o ran fy ngwariant a bod mor feirniadol o'm hun pan fyddaf yn gwario arian.

Cymorth gyda dyled

Ceisiwch gyngor os byddwch chi'n poeni am fenthyciwr arian didrwydded. Mae Stop Loan Sharks yn cynnig gwybodaeth a chymorth, ac yn gadael i chi roi gwybod am fenthyciwr arian didrwydded posibl.
Os bydd angen i chi anfon llythyr at gredydwyr, darllenwch y llythyrau enghreifftiol hyn gan y Llinell Gymorth Dyledion Genedlaethol.
Cysylltwch â gwasanaeth dyledion lleol. Mae Christians Against Poverty yn cynnig cymorth gyda dyledion a diweithdra ac yn rhestru manylion cyswllt gwasanaethau dyledion lleol.
Cysylltwch â StepChange. Mae StepChange yn cynnig cyngor am ddim ar broblemau ariannol, dyledion a chyllidebu.

Mae'n drueni nad oeddwn i'n gwybod yn gynt bod mynd i ddyled yn gallu bod yn rhan o gael problem iechyd meddwl. Ac mae'n drueni bod cymaint o ofn arna i ofyn am help.

Cymorth i reoli eich arian

Os ydych chi'n fyfyriwr, siaradwch â'r gwasanaethau myfyrwyr neu eich tiwtor. Efallai y byddan nhw'n gallu eich helpu i wneud cais am grantiau neu fwrsariaethau ychwanegol. Darllenwch ein gwybodaeth am reoli eich arian fel myfyriwr.
Dewch o hyd i fanc bwyd lleol.
Gan wefan Cyngor Iechyd Meddwl ac Arian ganllawiau ar hawlio budd-daliadau pan fydd gennych broblem iechyd meddwl.
Ceisiwch help i gael gafael ar fudd-daliadau a grantiau gan Turn2Us.
Siaradwch â rhywun o Cyngor ar Bopeth. Gallech chi gael cyngor am ddim ar eich hawliau o ran problemau cyfreithiol, ariannol a thai.
Defnyddiwch yr adnoddau ar wefan Helpwr Arian. Mae cyfrifianellau ar gyfer gweithio allan gostau eich arbedion, eich dyledion a'ch benthyciadau, a llythyrau enghreifftiol ar gyfer cysylltu â gwasanaethau.
Darllenwch awgrymiadau am reoli arian gan Money Saving Expert.

Yn ogystal â lleihau fy maich ariannol, gwnaeth ceisio help fy helpu yn feddyliol hefyd. Unwaith roeddwn i wedi penderfynu gwneud newid, rhoddodd hynny agwedd fwy cadarnhaol am fywyd i mi.

Was this page useful? Yes No Tell us more Tell us more

Tell us more

Why did you visit this page? *

For my own mental health
For someone else’s mental health
Academic/educational/professional reason
Other reason

What do you want to tell us about?

Praise – things we do well
Criticism – things we could do better
Errors, mistakes or broken links

Please give us your feedback:

Note:

Please don’t include personal details like your name or email address. If you do, data protection law means we’ll have to delete your comments.
Unfortunately we can’t reply to this. If you want a response from us, see our Contact us page.
If you are in crisis right now and want to talk to someone urgently then you could call Samaritans on 116 123 (freephone). Our pages on crisis services have more options.