Datgysylltiad ac anhwylderau datgysylltiol

Mae'n egluro beth yw datgysylltiad ac anhwylderau datgysylltiol, gan gynnwys achosion posibl a sut y gallwch chi gael gafael ar driniaeth a chymorth. Mae'n cynnwys cynghorion i'ch helpu chi eich hun, a chyngor i ffrindiau a theulu.

Beth y gall ffrindiau a theulu ei wneud i helpu?

Mae'r dudalen hon i ffrindiau a theulu sydd am gefnogi rhywun â datgysylltiad neu anhwylder datgysylltiol.

Gall fod yn anodd gweld rhywun sy'n annwyl i chi yn profi datgysylltiad. Ond gall teulu a ffrindiau fod yn help mawr. Mae'r dudalen hon yn awgrymu ffyrdd y gallwch chi helpu'r
person sy'n annwyl i chi, gan ofalu am eich llesiant chi eich hun ar yr un pryd.

Ceisio bod yn amyneddgar ac yn ddeallgar mewn bywyd pob dydd

Os bydd rhywun sy'n annwyl i chi yn profi datgysylltiad, efallai na fydd bob amser yn ymateb i chi fel y byddech chi'n ei ddisgwyl.
Gofynnwch iddo beth fyddai'n helpu. Ond dylech fod yn ymwybodol efallai na fydd bob amser yn gwybod nac yn gallu dweud wrthych chi beth fydd yn helpu.
Os bydd am ddweud wrthych chi am ei brofiad, ceisiwch wrando arno mewn ffordd dderbyngar.
Gall cyffwrdd ac agosrwydd fod yn anodd i rai pobl. Gallai fod yn ddefnyddiol gofyn iddo beth sy'n iawn, a thrafod hyn â'ch gilydd.

Mae cael teulu a ffrindiau deallgar yn fy helpu.

Meddwl am ffyrdd o ddelio â newid hunaniaeth

Os bydd yn newid hunaniaeth, efallai y bydd yn rhaid i chi gyfathrebu â rhannau gwahanol o'i hunaniaeth ar adegau gwahanol.
Efallai y bydd angen i chi ddatblygu ffyrdd gwahanol o ymdopi pan fydd rhannau gwahanol o'i hunaniaeth yn cymryd drosodd. Gall fod yn fuddiol ceisio dod o hyd i ryw ffordd o uniaethu â phob rhan o'i hunaniaeth.
Ceisiwch beidio â chynhyrfu. Bydd yn helpu os gallwch chi fod yn bresenoldeb diogel sy'n rhoi tawelwch meddwl, hyd yn oed os yw'n ofidus, yn flin neu'n ofnus.

Helpu i ddod o hyd i'r cymorth cywir

Gallech chi:

Ei helpu i ddod o hyd i eiriolwr a'i helpu i gwrdd â therapyddion gwahanol
Cynnig cymorth a dealltwriaeth ychwanegol cyn ac ar ôl sesiynau therapi
Ei helpu i wneud cynllun argyfwng os bydd yn teimlo y byddai hynny'n fuddiol

Mae'n bosibl y bydd adegau pan na allwch chi gynnig y cymorth sydd ei angen arno. Ystyriwch pwy yw'r person gorau i gysylltu ag ef ar yr adegau hyn. Darllenwch ein gwybodaeth am gefnogi rhywun i ofyn am help.

Ystyriwch sut y gallech chi helpu i'w gadw'n ddiogel

Mae'n bosibl y bydd gan eich anwylyd sbardunau sy'n achosi symptomau datgysylltiol ac ôl-fflachiadau. Bydd deall ei sbardunau yn golygu y gallwch chi ei helpu i'w hosgoi neu deimlo'n fwy parod i ymdopi â symptomau datgysylltiol pan fyddan nhw'n codi.
Efallai y byddwch chi am gynnig cymorth iddo gyda gweithgareddau daearu. Gallech chi gynnig helpu'ch anwylyd i nodi'r hyn sy'n gweithio orau iddo, a'i atgoffa'n dyner i ddefnyddio'r technegau sydd o gymorth iddo.
Os bydd rhywun sy'n annwyl i chi yn brifo ei hun neu os bydd yn brwydro â meddyliau hunanladdol, gall deimlo'n frawychus iawn. Mae ein tudalennau ar gefnogi rhywun sy'n teimlo'n hunanladdol, ac ar gefnogi rhywun sy'n hunan-niweidio, yn cynnwys rhagor o wybodaeth.
Mae'n bosibl y bydd adegau pan fydd angen help ychwanegol ar eich anwylyd i gadw'n ddiogel. Siaradwch ag ef am ba sefyllfaoedd y gallai fod angen cymorth ychwanegol arno i ymdopi â nhw, a'r hyn y gallwch chi ei wneud i helpu.

Gofalu amdanoch chi'ch hun

Mae'n bwysig gwneud yn siŵr eich bod chi'n gofalu amdanoch chi eich hun hefyd.

Gallai fod yn ddefnyddiol i chi ddod o hyd i therapydd i chi'ch hun. Darllenwch ein gwybodaeth am driniaethau siarad.
Darllenwch ein gwybodaeth am sut i ymdopi wrth gefnogi rhywun arall a sut i wella eich lles meddyliol.
Gall fod yn fuddiol siarad â phobl eraill â phrofiadau tebyg. Mae cymuned Ochr yn Ochr Mind yn cynnig cyfle i gysylltu â phobl eraill ar-lein.

Was this page useful? Yes No Tell us more Tell us more

Tell us more

Why did you visit this page? *

For my own mental health
For someone else’s mental health
Academic/educational/professional reason
Other reason

What do you want to tell us about?

Praise – things we do well
Criticism – things we could do better
Errors, mistakes or broken links

Please give us your feedback:

Note:

Please don’t include personal details like your name or email address. If you do, data protection law means we’ll have to delete your comments.
Unfortunately we can’t reply to this. If you want a response from us, see our Contact us page.
If you are in crisis right now and want to talk to someone urgently then you could call Samaritans on 116 123 (freephone). Our pages on crisis services have more options.