Yn ystod mis Balchder eleni, rydyn ni hefyd yn rhannu straeon gan bobl LHDTCRhA+ sydd â phrofiad uniongyrchol o wynebu problem iechyd meddwl. Byddan nhw’n siarad am pam mae Balchder yn bwysig i’w hiechyd meddwl.
Rydyn ni’n cefnogi pob cymuned LHDTCRhA+. Nid yn ystod mis Balchder yn unig. Ond drwy gydol gweddill y flwyddyn hefyd. Er enghraifft, rydyn ni’n brwydro i wahardd therapi trosi. Os ydych chi’n ei chael hi’n anodd, rydyn ni yma gyda gwybodaeth a chefnogaeth i chi. Darllenwch fwy am ein gwaith isod.
Gwahardd therapi trosi unwaith ac am byth
Pwrpas Therapi trosi yw ymdrechu i newid neu ‘wella’ cyfeiriadedd rhywiol neu hunaniaeth rhywun o ran rhywedd. Mae’n arfer anfoesol a niweidiol y mae’n rhaid ei wahardd. Nid oes angen i bobl LHDTCRhA+ ‘wella’ eu cyfeiriadedd rhywiol na’u hunaniaeth o ran rhywedd.
Nid yw ‘therapi trosi’ yn fath o therapi. Mae’n niweidiol ac mae’n rhoi pobl mewn perygl o ddioddef iechyd meddwl gwael. Rydyn ni’n galw ar Lywodraeth y DU i wahardd therapi trosi unwaith ac am byth.
Edrych am gefnogaeth?
Os ydych chi'n ffeindio pethau'n anodd, gallwch chi gael mynediad at gefnogaeth trwy'r opsiynau isod.
Ein Llinell Wybodaeth
Gall ein Llinell Wybodaeth roi gwybodaeth i chi, a’ch cyfeirio at gymorth yn eich ardal.
Side by Side
Mae Side by Side yn gymuned ar-lein gefnogol lle gallwch siarad am eich iechyd meddwl a chysylltu ag eraill sy’n deall yr hyn rydych chi’n profi.
Grwpiau Mind lleol
Mae grwpiau Mind lleol yn darparu gwasanaethau iechyd meddwl ledled Cymru a Lloegr. Mae’r gwasanaethau’n cynnwys therapïau siarad, cefnogaeth gan gymheiriaid, eiriolaeth, gofal mewn argyfwng, cymorth gyda chyflogaeth a thai.
Gwybodaeth am iechyd meddwl LHDTCRhA+
Os ydych chi’n LHDTCRhA+, mae gennym ni lawer o wybodaeth ac awgrymiadau i’ch helpu chi gyda’ch iechyd meddwl.
Nid yw bod yn LHDTCRhA+ yn achosi problemau iechyd meddwl. Ond gall rhai profiadau rydych chi’n eu cael fel person LHDTCRhA+ eich gwneud chi’n fwy tebygol o wynebu problem iechyd meddwl.
Gall sgyrsiau yn ystod mis Balchder fod yn rhai dwys, felly mae’n bwysig cymryd camau i roi’r math cywir o hunanofal ar waith. Rydyn ni yma i helpu.
