Cymerwch ran
Rydyn ni mewn argyfwng iechyd meddwl. Mae 2 filiwn o bobl yn aros am wasanaethau iechyd meddwl y GIG. Pobl go iawn, yn cael eu siomi gan system iechyd meddwl sydd wedi torri.
Mae angen cymorth arnyn nhw nawr, nid ymhen 6 mis. Nid mewn blwyddyn.
Rydyn ni’n gofyn i chi ymuno â ni ar Ddiwrnod Iechyd Meddwl y Byd. Yn Mind ac ar draws ein rhwydwaith o 100 a mwy o ganghennau Mind lleol, rydyn ni’n darparu amrywiaeth o wasanaethau a chymorth i bobl sydd â phroblemau iechyd meddwl. Ni allwn gysylltu â phawb ar ein pen ein hunain – mae maint yr heriau’n enfawr, ond gyda newid gwleidyddol a systemig, gallwn greu dyfodol lle byddwn yn sicrhau ein bod yn meddwl am bob meddwl.
Rydyn ni angen eich help chi i wneud hyn.
Rydw i’n cofio teimlo ar fy ngwaethaf. Roeddwn yn teimlo fel nad oedd unrhyw ffordd allan. Dydw i ddim yn meddwl y buaswn i’n dal yma oni bai am Mind. Fuaswn i ddim wedi gallu cario ymlaen fel ’na.
Ymunwch â’n galwad i lywodraeth y DU
Helpwch ni i bwyso ar lywodraeth newydd y DU i wneud iechyd meddwl yn flaenoriaeth. Rydyn ni am iddi wneud y canlynol:
- Diwygio’r Ddeddf Iechyd Meddwl hen ffasiwn
- Codi safon ysbytai iechyd meddwl
- Adeiladu rhwydwaith o ganolfannau cymorth er mwyn i bobl ifanc allu cael cymorth iechyd meddwl cyn i’r mater droi’n argyfwng iddynt
- Cefnogi pobl sydd â phroblemau iechyd meddwl i ffynnu yn y gwaith
- Gwneud i asesiadau budd-daliadau weithio i bobl anabl er mwyn sicrhau bod gan bawb rwyd ddiogelwch ariannol pan mae ei hangen arnynt
Ymunwch â'n galwad ar lywodraeth newydd y DU i flaenoriaethu iechyd meddwl.
Cyfrannwch, a chael bathodyn Mind
Mae angen eich help arnom i fod ar ben arall y ffôn, i fod yn weithgar mewn cymunedau lleol, ac i ymgyrchu’n galed i ddal llywodraeth newydd y DU i gyfrif. Rydyn ni’n gwybod bod ein hangen ni a’n gwasanaethau ar fwy a mwy o bobl o hyd, ac ni allwn ddarparu hyn heb eich cefnogaeth chi.
Bydd eich cyfraniad yn ein helpu ni i ateb mwy o alwadau i’n llinell gymorth, i gynnig cymorth drwy ein gwefan a’n cymuned ar-lein, Side by Side. Gyda’n gilydd, gallwn sicrhau ein bod yn meddwl am bob meddwl.
"Mae fy mhrofiadau o wasanaethau iechyd meddwl wedi bod yn negyddol i raddau helaeth, felly mae’r gefnogaeth a gefais gan Mind wedi bod yn achubiaeth, gan greu lle diogel i mi siarad am fy heriau a’m helpu i ddeall fy symptomau."
Mae India yn blogio ynglŷn â sut wnaeth Mind ddarparu lle diogel iddi.
"Heb Mind, dwi’n meddwl y byddwn i wedi marw. Roedd y ffordd cefais fy nhrin gan dîm argyfwng lleol y GIG mor siomedig. Roeddwn i’n manig ac yn seicotig, a phan fyddai felly byddaf yn gweld ac yn clywed pethau sy’n gallu bod yn frawychus."
Mae Kayleigh yn blogio am sut roedd ei Mind lleol yno iddi.
Siaradwch â ni
Chwilio am gefnogaeth iechyd meddwl? Ffoniwch ein llinell wybodaeth gyfrinachol i siarad â chynghorydd cyfeillgar, neu edrychwch ar ein tudalennau gwybodaeth.
Ein cymuned ar-lein
Mae Side by Side yn gymuned ar-lein gefnogol lle gallwch chi gysylltu â phobl sy'n deall yr hyn rydych chi'n profi.
Cefnogaeth leol
Mae grwpiau Mind lleol yn elusennau annibynnol sy'n gweithio ledled Cymru a Lloegr. Maent yn darparu gwasanaethau wedi'u teilwra i'w cymuned leol.
