Diwrnod Iechyd Meddwl y Byd 2025
Dydy iechyd meddwl ddim yn cymryd diwrnod o wyliau. Nid ar Ddiwrnod Iechyd Meddwl y Byd nac ar unrhyw ddiwrnod arall o’r flwyddyn. Ymunwch â’n hymgyrch i frwydro dros iechyd meddwl heddiw i ysbrydoli dyfodol gwell.
Brwydrwch dros iechyd meddwl heddiw a bob dydd.
Mae iechyd meddwl yn rhan bwysig o’n bywydau - mae’n bob eiliad o bob dydd. Mae’n ddiwrnod caled o waith ac yn baned gyda ffrindiau. Pan fyddwch chi’n dod yn rhiant a’r diwrnod pan fyddwch chi’n colli rhywun arbennig. Yr adegau rydych chi’n gofyn am gymorth a’r blynyddoedd rydych chi’n eu treulio ar restr aros. Y frwydr dros system iechyd meddwl sy’n gweithio ac ysbytai sy’n ddiogel.
Mae iechyd meddwl yn bwysig ar y dyddiau pan fydd popeth yn digwydd a’r dyddiau pan na fydd dim byd yn digwydd. Pan fydd bywyd yn brysur ac yn anrhagweladwy a phan fydd hi’n dawel ac yn gyffredin hefyd. Dyna pam rydyn ni’n brwydro bob dydd, i gefnogi mwy o bobl yfory.
Mae’n Ddiwrnod Iechyd Meddwl y Byd heddiw, ond rydyn ni eisiau i bawb ddeall bod iechyd meddwl yn bwysig bob dydd. Gyda’n gilydd, gallwn wneud yn siŵr bod pawb yn gwybod hynny.
Mae iechyd meddwl yn bwysig bob dydd - rhowch rodd heddiw er mwyn i Mind allu cefnogi mwy o bobl yfory.
Gwyliwch ein fideo ymgyrch
Ein gwybodaeth
Mae ein gwybodaeth yn grymuso pobl i wneud dewisiadau gwybodus am eu hiechyd meddwl. Mae'n helpu pobl i fyw gyda phroblemau iechyd meddwl ac adfer ohonynt.
Grwpiau Mind lleol
Mae ein rhwydwaith anhygoel o grwpiau Mind lleol ledled Cymru a Lloegr yn cynnig gwasanaethau iechyd meddwl sy'n mynd i'r afael â'r heriau y mae eu cymunedau'n eu hwynebu.
Siaradwch â ni
Mae gennym ni 4 llinell gymorth sy'n diwallu gwahanol anghenion iechyd meddwl neu lesiant. Rydyn ni'n gwybod bod iechyd meddwl yn gysylltiedig â phopeth, ac rydyn ni yma i'ch cefnogi chi.
Ni fyddai llawer ohonom yn medru rhannu ein straeon oni bai am Mind.
Mae Francesca yn blogio am ddamwain cwch a sbardunodd ei phroblemau iechyd meddwl, a sut y gwnaeth tudalennau gwybodaeth Mind ei helpu i eiriol dros ei hawliau.
