Ymgyrchu yng Nghymru

Mae Mind Cymru yn gweithio’n agos gydag Aelodau Llywodraeth Cynulliad Cymru ac Uwch Weision Sifil y Cynulliad Cenedlaethol er mwyn dylanwadu ar bolisïau iechyd meddwl yng Nghymru.

Gyda dim ond 60 o aelodau yn y Cynulliad, gall Mind Cymru gael cydberthynas waith llawer agosach gyda llywodraeth yng Nghymru na’r hyn sy’n arferol yn Lloegr.

Mae staff polisi Mind Cymru yn bwydo i mewn i’r broses o gynllunio ymgyrchoedd cenedlaethol Mind ac yn cyflwyno’r ymgyrchoedd ar draws Cymru. Gyda strwythurau iechyd yng Nghymru yn wahanol iawn i’r strwythurau yn Lloegr, mae’n rhaid i gynnwys ymgyrchoedd Mind gael eu teilwra yng Nghymru er mwyn rhoi dimensiwn Cymreig iddynt a rhoi ystyriaeth i wahaniaethau o ran polisi a deddfwriaeth.

Ymgynghorir â rhanddeiliaid Mind ynglŷn â gwaith ymgyrchu. Mae’r rhanddeiliaid yn cynnwys aelodau Mind Link Cymru (rhwydwaith defnyddwyr gwasanaeth Mind), Mind Out Cymru (i bobl sydd â diddordeb mewn iechyd meddwl pobl hoyw, lesbiaidd a deurywiol) a Diverse Minds Cymru (ar gyfer materion iechyd meddwl pobl dduon a lleiafrifoedd ethnig).

Yn ogystal â chyflwyno ymgyrchoedd Mind ledled Cymru, cynhelir ymgyrchoedd yn benodol ar gyfer dim ond Cymru hefyd. Mae ymgyrch sy’n cael ei chynnal ar hyn o bryd yn edrych ar y ffaith nad yw’r Fframwaith Gwasanaeth Cenedlaethol yn cael ei weithredu yng Nghymru.