Partneriaeth

English version

Fforwm Gofid Cefn Gwlad Cymru Gyfan

Mae Mind Cymru yn rhan o’r rhwydwaith uchod sy’n delio gyda materion gofid cefn gwlad. Am ragor o wybodaeth ewch I wefan Fforwm Gofid Cefn Gwlad.

Cynghrair Iechyd Meddwl Cymru

Mae hwn yn gynghrair o sefydliadau gwirfoddol Iechyd Meddwl Cenedlaethol a sefydlwyd i hyrwyddo iechyd meddwl yng Nghymru, ac yn arbennig, i hyrwyddo cydweithredu yn y sector gwirfoddol iechyd meddwl. Mae’r Gynghrair yn cynnwys y sefydliadau sector gwirfoddol cenedlaethol canlynol sy’n canolbwyntio’n sylfaenol ar iechyd meddwl:

Hafal, Cymdeithas Alzheimer, MDF Sefydliad Deubegynol Cymru, Rhwydwaith US, AWETU, Cynghrair Iselder Cymru, Rhwydwaith Cymorth Meddygon (Cymru), Cymar, Gofal Cymru, Brwydro yn erbyn Straen, Gwasanaeth Cwnsela Eglwysi yng Nghymru (CCSW), IGER/RSIN a MHAW (Gweithredu Iechyd Meddwl Cymru).

Dyma aelodau cysylltiol Cynghrair Iechyd Meddwl Cymru: Cruse Cymru ac Iechyd Meddwl Cymru mewn Gofal Sylfaenol.

Grŵp Cyfeirio Anabledd Cymru

Mae Mind Cymru yn rhan o Grŵp Cyfeirio Anabledd Cymru, dyma’r pedwar sefydliad arall:

• Disability Wales / Anabledd Cymru – sydd ar hyn o bryd yn newid i fod yn sefydliad sy’n cael ei redeg gan bobl anabl
• Anabledd Dysgu Cymru – y grŵp ar gyfer sefydliadau sy’n cefnogi pobl gydag anawsterau dysgu
• Cyngor Cymru i’r Deillion
• Cyngor Cymru i’r Byddar

Bydd y grŵp yn cyfarfod yn rheolaidd i drafod a chytuno ar y ffordd ymlaen mewn perthynas â materion sy’n effeithio ar bobl gydag anableddau yng Nghymru.

Dim ond yn gymharol ddiweddar y mae mudiad hawliau anabledd y gellir ei adnabod wedi dod i’r amlwg yng Nghymru. Mae yna draddodiad cryf o grwpiau hunangymorth ar gyfer nam penodol, sydd wedi eu seilio yn y gymuned, ond nid oes llawer o grwpiau sy’n cael eu harwain gan bobl anabl. Yr eithriad mwyaf amlwg yw Cynghrair Pobl Anabl Caerdydd a’r Fro.